ಬದುಕಿನ ದಾರಿಯಲ್ಲಿ ನೆನಪುಗಳ ಮಾತಿನಲ್ಲಿ
ಕಳೆಯುತಿದೆ ದಿನವು ಬರೀ ಹುಡುಕಾಟದಲ್ಲಿ
ಅಂದಿನ ಕನಸುಗಳು ಇಂದು ಬರೀ ನಿರ್ಜೀವ ನೆನಪುಗಳು
ಬರೀ ಆಸೆಯ ಚುಮ್ಮುವ ಮರಿಚೀಕೆಗಳು
ಬರೀ ಕೈಗೆಟುಕದ ಅಶಾಗೋಪುರಗಳು
ಬದುಕಿನ ದಾರಿಯಲ್ಲಿ ನೆನಪುಗಳ ಮಾತಿನಲ್ಲಿ
ಕಳೆಯುತಿದೆ ದಿನವು ಬರೀ ಹುಡುಕಾಟದಲ್ಲಿ...
ಮತ್ತದೆ ನೆನಪು ಮತ್ತದೆ ಹುಡುಕಾಟ
ಬೆಂಬಿಡದೆ ಹಿಂಬಾಲಿಸಿರುವುದು ನನ್ನ
ಅಂದಿರುವ ಸ್ನೇಹ, ಪ್ರೀತಿ ಇಂದುಳಿದಿಲ್ಲ ನನ್ನೆದೆಯಲಿ
ಅದು ಯಾರೂ ಕಾಣದ ಮರುಭೂಮಿ ನನ್ನಲ್ಲಿ
ದುಃಖದ ದಿನಗಳಲ್ಲಿ ಸುಖದ ಕನಸಿನಲ್ಲಿ
ಕಳೆಯುತಿದೆ ದಿನವು ಬರೀ ಹುಡುಕಾಟದಲ್ಲಿ...
ಮೌನದಿಂದಿದ್ದ ನಯನಗಳು ಇಂದು ಪಿಸುಗುಡುತ ಮುತ್ತಿಕ್ಕುತಿದೆ
ಕನಸುಗಳು ಮಣ್ಣ ಸೇರುತಿದೆ ಎಂಬ ಸೂಚನೆ ನೀಡುತ್ತಿದೆ
ಆ ದಿನಗಳು ಮತ್ತೆ ಬರಲಾರೆ ಎಂದು ಹಠವ ಮಾಡಿ ಹಿಂದುರಿಗಿದೆ
ಕಳೆದು ಹೋದ ದಿನಗಳು ಮತ್ತೆ ಬರವು ಎನ್ನುವ ಸತ್ಯ ತಿಳಿದು ಕೂಡ
ಮತ್ತದೆ ಹುಡುಕಾಟದಲ್ಲಿ ದಿನವ ಕಳೆಯುತಿರುವೆ...
ನನ್ನ ಈ ಮೌನದ ಪದಗಳು ನನ್ನ ಮನಸ್ಸಿಗೆ ಹತ್ತಿರವಾದವರಿಗೆಲ್ಲ ಆರ್ಪಿತ.
ನಿಮ್ಮವ,
ರಾಘು.
No comments:
Post a Comment